ياسايل في حالتي وعلاش تلوم........سقسيني نوريك واش بيا حاير
مكوي قلبي بالجمر حر مسموم........في الكبدة حسيت يقديلي سامر
اسكر عني البر الي معلوم...........ولى قلبي كي الوعل الي طاير
واحليل الي كنا ثاني ملطوم..........جرحو مايبريهش الطب الماهر
لاطالب حكيم بكتابو معلوم.........يبرني من ضر في كبدي عاش
راذا نبكي يا اماه ما عني لوم........خلوني نبكي دموعي تتقاطر
لعلى نتفش من همي يا قوم.........خدعوني الايام والوقت الماكر
عمري ما ننساش هذا اليوم مشؤوم...فارقت الي كنت بيها نتفاخ
رجرحي واعر راه في الكبدة مرشوم.....من همو رها عضيا تصاط
رخلوني نبكي عليها غال السوم.......بنت الاصل الناس بها تتباشر
كريمة للضيافها بهم تقوم.........لا ترفعش صوتها بيه تقادر
حشامة مهيش كي جيل اليوم......نريكم اوصاف من كنت نعاشر
اربيحة وعلاش فيا درت اللوم.....خليتيني بالمحاين متحاصر
عيالك شاو شتاء عنك مفطوم.......حت وحد ثتو لحديثي ناكر
ريحة صدرك تبري الي منهم مسقوم......يسمع صوتك ينوض من نومو باكر
ما جيتني للجهاد نديروا قوم.......نسبلي عمري نحارب هذا الكافر
ماجيتي للمال وحسابو معلوم......ندفع ما عندي نسلك بالحاضر
ماكي غضبانة وفيا درت اللوم.....ماكي مسجونةبالحكم الماكر
ماكي عني هاملة ونجيك نهوم......نجري او نعود في المشي شاطر
جيتني تحت الخجر ومعاه ردوم......لا شوفة بالعين لا نظرة باصر
قلبي خليتيه مثل الطير يحوم.........ودر وكرو ما هبط وقد طاير
اذا نبكي يعود جرحي معدوم.........خلي نصبر للقضاء ربي قادر
محمد دير الصبر لا حال يدوم......هذا امر المليك في حكمو صادر
الي جاب القول بن عمك معلوم......طالب دعوة خير منكم هذا الشاعر
نختم بالصلاة عن ابي كلثوم.........محمد شفيعنا النبي الطاهر
لصدقي عايبي بولرباح هاوي شعر الملون
ليست هناك تعليقات:
إرسال تعليق